mk-MKen-US
Општина
Центар

Архива

Новости

Општина Центар започнува со реконструкција на улицата „Капиштец“

  • 12 јуни 2018
  • Број на прегледи: 122
  • 0 Коментари
Општина Центар започнува со реконструкција на улицата „Капиштец“

Општина Центар ја започнува комплетната реконструкција на улицата „Капиштец. Оваа улица на Водно, ќе добие лик каков што заслужуваат граѓаните, најави на прес конференција градоначалникот Саша Богдановиќ. Реконструкцијата  ќе значи безбедност на учесниците во сообраќајот.

„На улица „Капиштец“ ќе  се изгради нова атмосферска канализација во должина од 260м од кои 125м се со пречник Ф300 и 135м со пречник Ф400  во кои ќе се приклучат 8 сливник: Со ова го решаваме големиот проблем со собирање на атмосферските води, кои се приклучуваат на новоизградената атмосферска канализација на улицата „ Питу Гули“.Со овој проект ќе се намали можноста  за излевање на поројните води во околните објекти и ќе се овозможи нивно контролирано испуштање во постојната атмосферка инфраструктурна мрежа.На улицата ќе се  постави асфалт со дебелина од 4см, нови рабници во должина од 320м со кои ќе се оформат нови тротоари изработени од бетонски префабрикувани елементи со површина од 360м².Но не застануваме тука. Како што ветивме, ќе  ги реконструираме и  и ќе изградиме инфраструктура  на локалитетот Долно Водно, со кој се опфатени, освен улицата „Капиштец“ и  улиците „Ганчо Хаџи Панзов“, „Димитар Пандилов“ и „Караорман“, рече градоначалникот.

Одговарајќи на новинарско прашање во врска со терасата на зградата на политичката партија ВМРО ДПМНЕ, Богдановиќ рече дека дел од објектите како музеи,споменици, спорната зграда на ВМРО ДПМНЕ, како дел од проектот „Скопје 2014“ се дел од истрагите на институциите и обвинителствата.

„ Ние затоа се координираме со овие институции и обвинителствата и не постапуваме бидејќи чекаме да завршат истрагите. Станува збор за огромни предмети, знам дека и јавноста очекува да завршат овие процеси, но не може за неколку месеци да се расчисти сето она што е правено за 11 години“, рече Богдановиќ.

Печати
Означувања:
Оценете ја оваа вест:
5.0

Ве молиме најавете се или регистрирајте се за да објавувате коментари.